Wo Poori Hasrat E Deedar E Jannat Kar Ke Aaye Hain,
Madeene Paak Ki Jo Bhi Ziyarat Kar Ke Aaye Hain.
Yahi Tha Aakhiri Chaara Nabi Ki Deed Ki Khatir,
Jo Apni Qabr Me Ham Log Rehlat Kar Ke Aaye Hain,
The Jitne Lafz Shaista Shukhan Zaare Aqidat Me,
Nabi Ki Naat Ki Khatir Ye Hijrat Kar Ke Aaye Hain,
Hamari Aankho Me Hasrat Ki Jo Tasveer Dikhti Hai,
Abhi Ham Zakire Taiba Ko Rukhsat Kar Ke Aaye Hain,
Tadapte Hain Machalte Hain Sabhi Hijre Madeena Me,
Madeene Me Jo Ek Pal Bhi Aqaamat Kar Ke Aaye Hain,
Kahegi Khuld Meri Anjuman Me Bas Wohi Aaye,
Zameen Par Bazme Aaqa Me Jo Shirqat Kar Ke Aaye Hain,
Philisteen Ke Sabhi Parwane Sham-E-Bait E Aqdas Par,
Khuda Ke Naam Pe Marne Ki Niyat Kar Ke Aaye Hain,
Hamare Hath Abbasi Hamare Sar Husaini Hain,
Ye Daste Hazrat-E-Haidar Pe Bai’at Kar Ke Aaye Hain,
Raza Ke Chahne Wale Bhi Hain Dar Asl Maulayi,
Jo Mailayi Darindo Ki Hajamat Kar Ke Aaye Hain,
Orrissa Ke Mujahid Bhi Raza Ke Faiz Ke Sadke
Jahan-E-Najd Me Barpa Qayamat Kar Ke Aaye Hain,
Faqat Ek Sher Ke Baa’is Asad Darbaar-E-Aaqa Se,
Shahe Dee.N Ki Ziyarat Aala Hazrat Kar Ke Aaye Hain.
