Hashr Me Jispar Mere Aaqa Ko Pyar Aa Jayega,
Bas Usi Ko Khuld Ka Haqdar Mana Jayega.
Aagye Rooye Zameen Par Rehmatul Lil Aalameen,
Ab Gulamo Ko Bhi Masnad Par Bithaya Jayega.
Kya Hame Bhi Baadshahi Ki Sanad Di Jayegi
Kya Hamara Naam Bhi Mangto Me Likha Jayega.
Fir Talab Kisko Shifa Ki Aap Agar Keh Den Huzoor,
Tujhko Mere Ishq Me Beemar Rakha Jayega.
Dekh Lena Saare Sajdo Ki Imamat Ke Liye,
Hashr Ke Din Sajday-E-Shabbir Laya Jayega.
Midhate Khairul Bashar Tehreer Karta Hun Sehar,
Mere Ek Ek Sher Ko Sone Se Taula Jaayega.
~Naseem Sahar Gayavi
