Dhaare Chalte Hain Ataa Key Woh Hay Qatrah Tera
Taare Khilte Hain Sakha Key Woh Hay Zarrah Tera
Faiz Hay Ya Shah E Tasneem Niralaa Tera
Aap Pyaason Key Tajassus Mein Hay Daryaa Tera
Aghniya Palte Hain Dar Sey Woh Hay Baara Tera
Asfiya Chalte Hain Sar Sey Woh Hay Rasta Tera
Farsh Waale Teri Shaukat Ka Uloo Kya Jaanein
Khusrawaa Arsh Pe Urta Hay Pharera Tera
Aasmaan Khwaan Zameen Khwaan Zamaana Mehmaan
Saahib E Khaana Laqab Kis Ka Hay Tera Tera
Main To Maalik Hi Kahunga Key Ho Maalik Key Habeeb
Yaani Mehboob O Muhib Mein Nahin Mera Tera
Kaun Nazron Pe Charhe Dekh Key Talwaa Tera
Behr E Saail Ka Hoon Saail Nah Kunwe Ka Pyasaa
Khud Bujhaa Jaaye Kaleja Mera Cheenta Tera
Chor Hakim Sey Chupa Karte Hain Yaa’n Uske Khilaaf
Tere Daaman Mein Chupe Chor Anokha Tera
Aankhein Thandi Hon Jigar Taaze Hon Jaanein Sairaab
Sachhe Sooraj Woh Dil Aaraa Hay Ujaala Tera
Dil Abas Khauf Sey Patta Saa Uraa Jaata Hay
Palla Halka Sahi Bhaari Hay Bharosa Tera
Ek Main Kya Mere Isiyaan Ki Haqeeqat Kitni
Mujh Sey Sau Laakh Ko Kaafi Hay Ishaara Tera
Muft Paala Thaa Kabhi Kaam Ki Aadat Na Parri
Ab ‘Amal Poochte Hain Haaye Nikamma Tera
Tere Tukron Sey Pale Ghayr Ki Thokar Pe Na Daal
Jhirkiyaan Khaayein Kahaan Chhor Key Sadqa Tera
Khwaar O Beemaar O Khatawaar O Gunahgaar Hoon Mein
Raafe O Naafe O Shaafe Laqab Aaqa Tera
Meri Taqdeer Buri Ho Toh Bhali Kar Dey Key Hay
Mehwe Isbaat Key Daftar Pey Karora Tera
Tu Jo Chaahe Toh Abhi Mail Mere Dil Key Dhulein
Key Khuda Dil Nahin Karta Kabhi Mailaa Tera
Kis Ka Munh Takiye Kahaan Jaaiye Kis Sey Kahiye
Tere Hi Qadmon Mein Mit Jaaye Yeh Paala Tera
Tu Ney Islaam Diya Tu Ney Jama’at Me Liyaa
Tu Kareem Ab Koi Phirta Hay ‘Atiyyah Tera
Maut Suntaa Hoon Sitam Talkh Hay Zehr Aab E Naab
Kaun Laa Dey Mujhe Talwon Ka Ghasaalah Tera
Door Kya Jaaniye Badkaar Pey Kaisi Guzre
Tere Hi Dar Pey Mare Bekas O Tanhaa Tera
Tere Sadqe Mujhe Ik Boond Bohot Hay Teri
Jis Din Achon Ko Mile Jaam Chalaktaa Tera
Haram O Taibah O Baghdaad Jidhar Kijiye Nigaah
Jowt Parti Hay Teri Noor Hay Chantaa Tera
Teri Sarkaar Me Laata Hay Raza Usko Shafee,
Jo Mera Ghaus Hay Or Laadlaa Betaa Tera.