Khuda e Paak Ki Rehmat Ke Dhaare Saath Chalte Hain,
Chale Aaqa To Jannat Ke Nazaare Sath Chalte Hain,
Lagaye Aas Baitha Hun Ye Kaano Me Sada Aaye,
Madina Jaane Wala Ye Pukare Sath Chalte Hain,
Kabhi Quraan Ka Hafiz Akela Chal Nahi Sakta,
Ke Uske Sath Quraan Ke Sipaare Sath Chalte Hain,
Qamar Ke Chaak Hote Hi Ye Ahle Ishq Bol Uthe,
Nabi Ke Sath Kudrat Ke Ishare Sath Chalte Hain,
Akela Main Nahi Chalta Kabhi Shehre Mujahid Me,
Meri Ankho Me Ulfat Ke Sitaare Sath Chalte Hain.
